သမိုင်ကိုဖုံးဖိလိမ်လည်၍မရပါ

မြန်မာ့သမိုင်းတွင် လက်ရှိစစ်အစိုးရသည် သမိုင်းကြောင်းတစ်ခုကို မှေးမှိန်အောင် ပျောက်ပြယ်အောင် လုပ်လာတာတွေ့ရပါသည်။မြန်မာပြည် အင်္ဂလိပ်လက်အောက် ရောက်ခဲ့စဉ်အချိန်က ဆရာတော်ဦးဥတ္တမ ခေတ်ကနေ ပထမကျောင်းသားသပိတ်ကစလို့ အုပ်ချုပ်သူအာဏာရှင်အဆက်ဆက်ကို တော်လှန်ပုန်ကန်ခဲ့ကြသော မျိုးချစ်ခေါင်းဆောင်များ၊ အလုပ်သမားခေါင်းဆောင်များ၊ လယ်သမားခေါင်းဆောင်များ၊ ကျောင်းသားခေါင်းဆောင်များ စာပေ အနုပညာရှင်များ၏ စွမ်းဆောင်ရည်များ သမိုင်းအကြောင်းအရာများကို လက်ရှိ မျိုးဆက်သစ်လူငယ်များ အလွယ်တကူ မသိရှိရလေအောင် လုပ်ထားပါသည်။ အဆိုးဆုံးမှာ မြန်မာ့လွတ်လပ်ရေးဖခင်ကြီး ဗိုလ်ချူပ် အောင်ဆန်း၏ အခန်းကဏ္ဍကို မှေးမှိန်အောင်လုပ်ထားခြင်းပါ။ အာဏာကိုလက်နက်အားကိုးပြီးရယူထားသည့် စစ်အာဏာရှင် သန်းရွှေ သည် ကျွန်ှပ်တို့ ဗိုလ်ချုပ်၏ စွမ်းဆောင်ရည်အမြင့်ဆုံးအချိန် အသက်သုံးဆယ့်ငါး၊ သုံးဆယ့်ခြောက်၊ သုံးဆယ့်ခုနှစ်၊ သုံးဆယ့်ရှစ် ၀န်းကျင်များကာလတွင် သန်းရွှေ လည်းရင်းအရွယ်လောက်၌ စာရေးသူအထင်တော့ သောက်စားမူးယစ်လိုက်၊ အောက်လက်ငယ်သားများကို အာဏာပြလိုက်၊ သူနေရာ ရအောင် အထက်ကအကြံတူ ဗိုလ်ချုပ်လဒူများကို ဖားလိုက်လုပ်နေမှာမြင်ယောင်မိပါသည်။ ပတ်ကြားအို အနေအထားထိကို အာဏာယစ်မူးနေတာကိုပဲကြည့်ပါ။ သူ့ကိုသူ့ နိုင်ငံတော် အကြီးအကဲ ဆိုတော့ သူ့ ထက်ကြီးတာဆင်ပဲ ရှိပါတော့သည်။ဆင်တောင်မှ သူ့ခွန်အားနှင့် သစ်တောတွေမှာ အသုံးချရင် အကျိုး ပြုပါသေးသည်။ သန်းရွှေနှင့် အပေါင်းအပါတစ်စုကတော့ တိုင်းပြည်နှင့်လူမျိုးအပေါ် အသံကောင်း တွေဟစ်ပြနေပြီး လက်တွေ့တွင် မိမိအာဏာတည်မြဲရေး၊ မိမိ မိသားစုနှင့် အပေါင်းအပါတစ်စု ကောင်းစားရေးကို တစိုက်မတ်မတ်လုပ်နေပြီး တိုင်းပြည်နှင့် လူမျိုးများမှာတော့ ကမ္ဘာ့အလည်မှာ မျက်နှာငယ်၊ လူလုံးမလှ၊ အနှိမ်ခံဘ၀များနှင့် ဆင်းရဲတွင်းနက်နေကြပါပြီ။မြန်မာ့သမိုင်းကြောင်းအရ အာဏာရှင် အုပ်ချုပ်သူများကို ခေတ်အဆက်ဆက် ခေါင်းငုံမခံတွန်းလှန် ရင်ဆိုင်ခဲ့ကြသည့် ပုဂ္ဂိုလ်ထူးများကို အစမဖော် ဖျောက်ကွယ်ထားပြီး ၄င်းတို့နှင့်အလားသဏ္ဍန်တူသောအင်္ဂလိပ်ခေတ်နောက်ပိုင်း စစ်ဘုရင်များကို အမွန်းတင်ဂုဏ်ဖော်ကာ တခမ်းတနား ဖော်ပြနေကြတာသတိထားမိကြမှာပါ။ စစ်အစိုးရကတော့ သူတို့အာဏာတည်မြဲဖို့ ပြဒ်ရုပ်အဖြစ်ဖော်ပြနေလေသည်။ ထိုခေတ်ထိုအခါက စစ်ဘုရင်များရဲ့ အောင်မြင်မူဟာ ခေတ်မမှီတော့ချေ။ လက်ရှိ ကမ္ဘာ့နိုင်ငံရေး၊ စီးပွားရေးသည် အာဏာရှင်အုပ်ချုပ်မူနှင့်ဘယ်လိုမှ သဟဇာတမကျတော့တာ အားလုံးအသိပါ။ ချီးခြောက်ရေနှူးနေသည်နှင့်တူသည်။ လက်ရှိကမ္ဘာ၏ လိုအပ်ချက်သည် လူ့အခွင့်အရေး သာတူညီမျှရှိရေး၊ တရားမျှတရေး၊ အများလက်ခံ ယုံကြည့်ရမည့် ဒီမိုကရေစီစနစ်အုပ်ချုပ်မှုများဖြစ်သည်။ အာဏာသည်ပြည့်သူလက်ထဲတွင်ရှိသည်ဟူသော ဒီမိုကရေစီအနှစ်သာရ များထွန်းကား သည့်ခေတ် ကာလဖြစ်သည်။ ပြည်ထောင်စုမပြိုကွဲရေး အော်နေပြီး ဖိနှိမ့်ရေးမူဝါဒကို ကျင့်သုံးနေသည်။ ပြည်သူလူထုကို အကြောက်တရားရှိအောင်လုပ်ထားသည်။ ဒီမိုကရေစီအရေးကိုတကယ်လိုလားသော သူတို့နှင့် သဘော ထားချင်းမတိုက်ဆိုင်သည့်သူများကို ရန်သူတစ်ယောက်လိုမြင်ကာ တကယ်အပြစ် ကြီးသူများ အဖြစ် အများမြင်သာအောင်ထင်သာအောင် အမျိုးမျိုးပုဒ်မတတ် အပြစ်ရှာထောင်သွင်း အကျဉ်းချနေတာ အားလုံး အသိပါ။ သာဓအနေနဲ့ ဒေါ်အောင်ဆန်းစုကြည်ကိုကြည့်ပါ။ နိုင်ငံရေးအကျဉ်းသားများကိုကြည့်ပါ။ သူတို့နှင့်သဘောထားမတိုက်ဆိုင် သူတို့သြဇာမခံတာနဲ့ ထောင်သွင်းအကျဉ်းချပါတော့သည်။ ၄င်းတို့ ကိုဖားရားသူ အကျင့်ပျက် ပြည်သူ့သစ်စာဖောက်များကို နေရာပေးပြီး ပြည်သူအချင်းချင်း ခွဲခြားမြှောက် ပင့်ပေးထားသည်။ (ဥပမာ- ကြံ့ဖွတ်ခေါ် ရပ်ရွာကောင်းကျိုးဘာမှမလုပ်နိုင်သည့် ကိုယ်ကျိုးရှာသမား၊ စွမ်းအားရှင်ခေါ် လူမိုက်များ၊ မီးသတ် ကြက်ခြေနီခေါ် အလုပ်မယ်မယ်ရရမရှိသည့်လူဖျင်းလူတုံးများ) ထိုသူများသည် ပြည်သူအချင်းချင်း အနိုင်ကျင့်ဖို့ ၀န်မလေးကြပါ။ ပထွေးတော်များလိုကျ လုပ်ပေးနေရသည်ကို အဟုတ်မှတ်နေကြသည်။သမိုင်းကြောင်းကိုဘယ်လိုဖုံးဖုံး ဘယ်လိုဖိဖိ ဘယ်လိုလိမ်လိမ် အမှန်တရားကိုဖော်ထုပ်ရမည်။ ဗိုလ်ချုပ်အောင်ဆန်းအကြောင်း၊ အင်္ဂလိပ်လက်ထက် ကိုလိုနီနယ်ချဲ့ အာဏာရှင်အုပ်ချုပ်သူများကို ရဲရဲဝံ့ဝံ့ရင်ဆိုင်ခဲ့ကြသော ဆရာတော်ဦးဥတ္တမ၊ ဆရာတော် ဦးဝီစာရ၊ ဆရာစံ၊ သခင်ကိုယ်တော်မှိုင်း၊ သခင်ဖိုးလှကြီး၊ ရန်ကုန်ကောလိပ်ကျောင်းသား ကိုအောင်ကျော်၊ အစရှိသည့်ပုဂ္ဂိုလ်များနှင့် နေ၀င်းလက်ထက်မှစသည့်အာဏာရူးများကို ရဲရဲဝံ့ဝံ့ရင်ဆိုင်ခဲ့ကြသော(လက်ရှိရင်ဆိုင်နေကြသော) ဒေါ်အောင်ဆန်းစုကြည်အစ ကိုမင်းကိုနိုင်အလည် ယခုလက်ရှိသံဃ့အာဇာနည်အရှင်ဂန္ဘီရအဆုံး စသော ဆိုင်ရာပုဂ္ဂိုလ်များအကြောင်းကို အများပြည်သူ မျိုးဆက်သစ်လူငယ်များအကြားဝယ် သိရှိနေကြစေရန် ဖော်ထုပ်နေရမည်မှာ အမျိုးသားရေးတာဝန်ဖြစ်သည်။ဒါမှ အာဏာရှင်စနစ်ဆိုးကြီး အမြန်ရပ်ဆိုင်းပြီး ဒီမိုကရေစီစနစ်ထွန်းကားသော သာယာဝပြောသည့် နိုင်ငံတော်ကြီးဆီသို့ ရှေ့ရှုနိုင်မည်ဖြစ်ပါသည်။